ყმაწვილთათვის ლოცვა სრულიად საქართველოს კათოლიკოს-პატრიარქ ილია II-ისა ყმაწვილთათვის ლოცვა სრულიად საქართველოს კათოლიკოს-პატრიარქ ილია II-ისა ღმერთო მოწყალეო, მამაო, და ძეო, და სულო წმიდაო, შენ შეიტკბე, აკურთხე და კეთილაღზარდე ბავშვები ჩვენი. მოანიჭე მათ სარწმუნოება მტკიცე, რამეთუ გარეშე სარწმუნოებისა შეუძლებელია ცხოვრება. უფალო და მეუფეო, დაჰნერგე გულთა შინა მათსა სიყვარული შენი, სიყვარული მამულისა, სიყვარული მშობელთა, სიყვარული მოყვასისა. აღავსე სულიერი და ფიზიკური ძალით ჩვენი ერის მომავალი. მოჰმადლე მათ ნიჭი სწავლისა და სიყვარული წიგნისა. მოანიჭე მათ სასოება, თავმდაბლობა, მორჩილება და სიწმიდე, რათა იქნან ტაძარნი სულისა წმიდისა. ღმერთო, მაცხოვარო ჩვენო, შენ ხარ ნათელი ქვეყნისა, შენ ხარ გზა, ჭეშმარიტება და სიცოცხლე. ატარე ჩვენი შვილები სიწმიდისა და სიმართლის გზით, რათა გმირული სულით აღვსილნი, გულანთებულნი მამულის სიყვარულითა, გახდნენ ღირსნი მარადიული, ნეტარი ცხოვრებისა. აკურთხე დღეგრძელობითა, აღავსე მშვიდობითა და სიხარულითა, რათა იხილონ მათ შვილნი და შვილთაშვილნი თვისნი. აშორე მტერი კაცთა ნათესავისა და მოუვლინე ანგელოზნი მფარველნი, მეოხებითა ყოვლადწმიდისა ღვთისმშობელისა და მარადის ქალწულისა მარიამისა, აღავსენ ძლიერებითა პატიოსნისა და ცხოველმყოფელი ჯვარისა და მეოხებითა მთავარანგელოზთა და ყოველთა ზეციერთა ძალთა, ლოცვითა წმიდათა წინასწარმეტყველთა, მოციქულთა, მღვდელმთავართა, მოწამეთა, უვერცხლოთა მკურნალთა, ღირსთა და ღმერთშემოსილთა მამათა და დედათა, შუამდგომლობითა წმიდისა დედისა ჩვენისა _ ნინო ქართველთ განმანათლებელისათა, წმიდისა დიდისა მოწამისა, ძლევაშემოსილისა და საკვირველმოქმედისა გიორგისათა, წმიდისა დიდებულისა ქალწულმოწამისა ბარბარესითა და ყოველთა რწმენისა და მამულისათვის წამებულთა და თავდადბულთა მეოხებითა. ღმერთო ძლიერო, შენ აცხოვნე ერი ჩვენი და აკურთხე სამკვიდრებელი შენი. ამინ!

...ჩახუტება ძალიან ბევრს ნიშნავს, განსაკუთრებით ბავშვებისთვის.მე არ ვმოქმედებ წიგნებში დაწერილი კანონების მიხედვით. მე ვუჯერებ და მივყვები მხოლოდ გულის ხმას. ვფიქრობ, ყველაზე საშინელი ავადმყოფობა რაც მსოფლიოს აწუხებს – გულცივობა და სიყვარულის ნაკლებობაა. მე ვიცი, რომ შემიძლია ხალხს მივცე ჩემი სიყვარული და სითბო მხოლოდ ერთი წუთით, ნახევარი საათით, ერთი დღით…თვით, მაგრამ ხომ ვახერხებ და ხომ შემიძლია; –ეს არის ის, რისი კეთებაც მანიჭებს ბედნიერებას.

.წიგნმა ასე იცის...ერთხელ თუ შეგიყვარდა, ვეღარ მოშორდები. ლიტერატურა თავისას იზამს და იგი თავს შეგაყვარებთ. ხოდა, მოსინჯეთ, ჩემო პატარებო, თუ მაინც არ გჯერათ ჩემი ,იკითხეთ ბევრი და თავად დარწმუნდებით ჩემი სიტყვების სიმართლეში.